అంతర్గత సర్వేలు చేయించుకోవడంలో చంద్రబాబు దిట్ట. తనకు కావాల్సిన విషయానికి సంబంధించి ముందుగా లీకులు వదుల్తారు. తర్వాత దానిపై రహస్యంగా సర్వే నిర్వహించారు. ఆ వచ్చిన ఫలితాలు పాజిటివ్ గా ఉంటే అధికారిక ప్రకటన ఉంటుంది. లేదంటే ఇక ఆ టాపిక్ ను అక్కడితో వదిలేస్తారు.
కాంగ్రెస్ తో పొత్తుపై కూడా ఇలానే చేశారు చంద్రబాబు. బీజేపీ ప్రత్యేక హోదా ఇవ్వలేదు కాబట్టి, కాంగ్రెస్ తో జతకట్టి బీజేపీని ఓడించాలని ప్రజలకు పిలుపు ఇవ్వాలని భావించారు. తద్వారా తిరిగి తను అధికారంలోకి రావాలనే ఎత్తు వేశారు.
కానీ ఏ పార్టీకి వ్యతిరేకంగా అయితే టీడీపీని అప్పట్లో ఎన్టీఆర్ స్థాపించారో, ఇప్పుడు అదే పార్టీతో బాబు సంసారానికి సిద్ధపడడాన్ని జనాలు జీర్ణించుకోలేకపోతున్నారు. పైగా రాష్ట్రాన్ని కాంగ్రెస్ పార్టీ అడ్డగోలుగా విభజించిందనే కోపం ఏపీ ప్రజల్లో ఇంకా ఉంది.
దీంతో కాంగ్రెస్ తో పొత్తు అంశం తనకు రివర్స్ అయ్యేలా ఉందని భావించిన బాబు వెంటనే ఆ ప్రతిపాదన నుంచి వెనక్కి తగ్గినట్టు కనిపిస్తోంది. ఇందులో భాగంగానే తన పార్టీకి చెందిన సభ్యులతో కాంగ్రెస్ తో పొత్తు ఉండదంటూ చిన్నచిన్న ప్రకటనలు చేయిస్తున్నారు.
మరోవైపు టిక్కెట్ల కేటాయింపులకు సంబంధించి ఇప్పటికే రహస్య సర్వేలు పూర్తిచేశారు చంద్రబాబు. తన సర్వే లెక్కల ప్రకారం, వివిధ నియోజకవర్గాల్లో టిక్కెట్లు కేటాయించాలని ఫిక్స్ అయ్యారు. తమకు ఈసారి టిక్కెట్ దక్కదని భావిస్తున్న ఎంతోమంది నేతలు ఇప్పుడు బాబు ప్రకటన కోసం ఎదురుచూస్తున్నారు.
టిక్కెట్ ఇవ్వకపోయినా బాబు నుంచి ఏదైనా భరోసా వస్తుందని వాళ్ల ఆశ. లేకపోతే వెంటనే వైసీపీ లేదా జనసేనలోకి జంప్ అవ్వడానికి చాలామంది నేతలు రెడీగా ఉన్నారు.
ఏపీ, తెలంగాణకు సంబంధించిన లేటెస్ట్ అప్డేట్స్, రాష్ట్రీయ, జాతీయ, అంతర్జాతీయ స్థాయి వైరల్ న్యూస్ కోసం మా యూట్యూబ్ ఛానల్ను సబ్స్క్రయిబ్ (Subscribe) చేసుకోండి.
BLOGGER https://manatrips.blogspot.com/
YOUTUBE https://www.youtube.com/channel/UCK1HnC9nfofEJzJNob4eZVw
No comments:
Post a Comment